Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.
Rætt verður um fótbolta við áhugaverða gesti í vetur, farið verður um víðan völl.
Gestur þáttarins að þessu sinni er Hólmar Örn Eyjólfsson, landsliðsmaður Íslands í knattspyrnu hefur átt merkilegan feril þrátt fyrir ungan aldur.
Hólmar gekk í raðir Maccabi Haifa í Ísrael árið 2017 en hann fór þangað frá Rosenborg í Noregi.
Fyrir það þá hafði spænska liðið Real Betis áhuga á að semja við Hólmar og vildi hann komast þangað.
Hólmar hafði mikinn áhuga á að fara til Spánar en að lokum þá gengu þau félagaskipti ekki upp.
Hann viðurkennir að hafa verið pínu fúll eftir að þau skipti hafi ekki klárast en komst svo annað í janúar.
,,Mér leið mjög vel í Noregi en sumarið á undan þá var Real Betis í miklum samræðum við Rosenborg um kaup en það komst ekki í gegn,“ sagði Hólmar.
,,Sumarið fyrir þennan janúarglugga og eftir að það gekk ekki í gegn var ég pínu fúll en vissi þá að í janúar myndi ég líklega fá eitthvað.“
,,Ég er ekkert pirraður ennþá, maður veit ekkert hvernig það hefði farið. Ég hefði getað farið til Real Betis og ekkert hefði gengið upp.“
