Emmanuel Petit, fyrrum leikmaður Arsenal, skilur ekki af hverju félagið ákvað að reka Arsene Wenger eftir síðustu leiktíð.

Petit segir að það sé enginn munur á liðinu undir stjórn Unai Emery og undir Wenger.

Arsenal hefur verið í basli undanfarið og er liðið nú með jafn mörg stig og Manchester United í deildinni.

,,Það er eins og Wenger sé kominn út en ég hef það á tilfinningunni að þetta sé sama gamla sagan,“ sagði Petit.

,,Hvað er að gerast eftir dvöl Arsene Wenger, ég held að við höfum allir búist við meiru. Ég er vonsvikinn.“

,,Þú ert að segja mér að Emery sé með sömu vandamál og Wenger. Ekkert hefur breyst. Svo af hverju að reka Wenger?“