Philippe Coutinho leikmaður Barcelona er orðaður við lið á Englandi þessa dagana. Hann fær lítið að spila hjá Barcelona.

Coutinho hefur ekki náð flugi eftir að Barcelona keypti hann frá Liverpool fyrir ári síðan.

Spænskir miðlar segja að Coutinho sé á óskalista Manchester United og þá myndi Liverpool hafa áhuga aftur.

Telegraph segir það rangt að Liverpool hafi áhuga, sagt er að félagið hafi ekki neinn áhuga á að fá Coutinho aftur.

Coutinho fór frá Liverpool fyrir 142 milljónir punda fyrir ári síðan en hann gæti yfirgefið Barcelona næsta sumar, ef staða hans breytist ekki. Þá gæti Barcelona viljað selja hann til að fjármagna kaup á Neymar frá PSG.