Real Madrid á Spáni er ekki að nota besta leikmann heims segir fyrrum leikmaður liðsins, Rafael van der Vaart.
Samkvæmt Van der Vaart er miðjumaðurinn Isco besti leikmaður heims en hann fær mjög takmarkaðan spilatíma þessa dagana.
Santiago Solari, stjóri Real, virðist ekki vera hrifinn af Isco sem þarf að sætta sig við bekkjarsetu.
,,Isco er klikkaður að mínu mati, hann er besti leikmaður heims,“ sagði Van der Vaart.
,,Það eru samt alltaf vandamál á milli hans og þjálfarans. Zinedine Zidane treysti honum aldrei 100 prósent.“
,,Þegar Ajax spilar við Real þá sé ég hvort hann byrji. Ef ekki þá fer ég heim.“
