Bræður Marcus Rashford og Trent Alexander-Arnold urðu fyrir fólskulegri árás á laugardag, þegar þeir sátu saman á kaffihúsi í Manchester.

Dane Rashford og Tyler Alexander-Arnold eru umboðsmenn fyrir bræður sína en Rashford leikur með Manchester United en Trent spilar fyrir Liverpool.

Þeir voru á Littlerock kaffihúsi í Moss Side hverfinu í Manchester, þangað mættu á svæðið menn vopnaðir byssu, sveðju og hafnarboltakylfu. Fjölmiðlar eru ekki á sama máli um hverjir hafi slasast.

Telegraph segir að Dane Rashford hafi endað á sjúkrahúsi en í gær var Marcus Rashford hetja Manchester United gegn Tottenham. Hann skoraði eina markið í sigri liðsins á Wembley.

Þeir enduðu báðir á sjúkrahúsi en voru ekki mikið slasaðist, Range Rover bifreið var rænt af þeim en hún fannst skömmu síðar.

Lögreglan var heldur ekki lengi að finna glæpamennina sem voru á aldrinum 18 til 58 ára. Alls voru 6 aðilar handteknir.

Samkvæmt upplýsingum Telegraph enduðu Dane Rashford og Tyler Alexander-Arnold báðir á sjúkrahúsi en voru hvorugur mikið slasaður og því sleppt fljótlega. Enginn slasaðist alvarlega í ráninu en fólkið var auðvitað í miklu sjokki.