Samir Nasri, leikmaður West Ham, grét árið 2016 eftir að hafa verið dæmdur í tæplega tveggja ára leikbann.

Nasri var dæmdur í bann fyrir að taka inn ólögleg lyf en hann hafði leikið með Sevilla á Spáni.

Bannið entist í 18 mánuði en hann skrifaði svo undir samning við West Ham á dögunum og hefur nú þegar spilað leik.

Hann viðurkennir að hafa grátið mikið þegar hann fékk fréttirnar af banninu.

,,Ég er andlega mjög sterkur en ég grét mögulega í fyrsta skiptið því ég hélt að ferillinn væri búinn,“ sagði Nasri.

,,Ég upplifði mjög erfiða tíma þegar ég var langt niðri. Núna er ég þó að koma aftur í erfiðustu deild heims..“

,,Liðið er fullt af metnaði og ég vinn með þjálfara sem ég þekki og spila á svona velli… Maður lifandi! Þetta er besta starf í heimi.“