Jasmine Lennard sem átti í ástarsambandi við Cristiano Ronaldo fyrir um tíu árum síðan, segir hann vera geðsjúkling. Þessu heldur hún fram í færslum sem hún birtir á samfélagsmiðlum, hún kveðst ætla að hjálpa Kathryn Mayorga sem sakar Ronaldo um hrottalega nauðgun.
Mayorga segir að Ronaldo hafi nauðgað sér árið 2009, atvikið á að hafa átt sér stað í Las Vegas. Þar var Ronaldo í sumarfríi með vinum sínum áður en hann samdi við Real Madrid og varð dýrasti knattspyrnumaður í heimi.
Lennnard er 33 ára og er frá Englandi, hún og Ronaldo áttu í ástarsambandi þegar hann var leikmaður Manchester United.
Hún segist hafa verið í samskiptum við Ronaldo síðustu 18 mánuði, en hefur fengið nóg og ætlar að reyna að hjálpa Mayorga sem reynir nú að fá yfirvöld til að taka upp mál sitt gegn Ronaldo.
,,Það hefur ekki neinn hugmynd um það hvernig Ronaldo er í raun og veru, ef fólk vissi bara lítinn hluta þá væri það slegið. Hann er geðsjúklingur,“ sagði Lennard á Twitter.
Í gögnum sem Mayorga hefur birt í ásökunum sínum á hendur Ronaldo kemur fram upphæð sem hann lét hanan fá árið 2009, það var gegn því að Mayorga myndi aldrei tjá sig um samband þeirra.
,,Eftir mikla umhugsun þá ætla ég að koma mér í samband við Mayorga og hennar lögfræðinga, ég ætla að bjóða fram aðstoð mína, vegna ásakana hennar á hendur Ronaldo.“
,,Ég get ekki setið á mér lengur og horft á hann ljúga, ég geri allt til að hjálpa henni. Ég er með skilaboð og upptökur sem verða Mayorga mikilvægar. Ég mun sanna hvernig manneskja hann er.“
