Íslandsmeistarar Vals hafa gert samning við þrjá leikmenn en þetta kom fram á fréttamannafundi í dag.
Stærstu félagaskiptin eru Gary Martin en Valsmenn náðu að tryggja sér hans þjónustu til þriggja ára.
Gary var frábær fyrir ÍA og KR hér heima á sínum tíma áður en hann hélt erlendis og lék með Lillestrom og Lokeren.
Einnig skrifar Emil Lyng undir samning við Val en hann er íslenskum knattspyrnuaaðdáendum kunnur.
Hann lék vel með KA sumarið 2017 en hélt svo í atvinnumennsku og lék með Dundee United og Szombathelyi Haladas.
Sá þriðji er miðjumaðurinn Lasse Petry en hann kemur til Vals frá Lyngby í Danmörku.
Hann er uppalinn hjá Nordsjælland í heimalandinu þar sem hann lék yfir 100 leiki. Hann gerir tveggja ára samning.
