Theodór Elmar Bjarnason hefur skrifað undir samning við Gazişehir Gaziantep Futbol Kulübü, í næst efstu deild í Tyrklandi.

Elmar hefur verið í viðræðum við tvö lið í Tyrklandi síðustu vikurnar. Hann skrifaði undir eins og hálfs árs samning við Gazişehir Gaziantep F.K.

Gazişehir Gaziantep F.K er í þriðja sæti í næst efstu deild en Elmar lék þar áður með Elazigspor.

Hann yfirgaf hins vegar liðið fyrir áramót vegna þess að Elazigspor hafði ekki borgað laun allt tímabilið.

Elmar hefur æft með KR síðustu vikur til að halda sér í formi en Gazişehir er í fimm stigum frá öruggu sæti í efstu deild en er þessa stundina í baráttu um sæti í umspili.

Meira:
90 mínútur með Theodóri Elmari: Hlustaðu á þáttinn hérna – Fótbolti, sorgin að missa bróður sinn og Twitter stríð

Elmar er 31 árs gamall en hann á að baki 41 A-landsleik, hann hefur verið í atvinnumennsku frá árinu 2005.