Gary Lineker, fyrrum landsliðsmaður Englands, myndi breyta reglum fótboltans ef hann væri með völdin.

Lineker var frábær knattspyrnumaður á sínum tíma en hann telur að íþróttin sé alls ekki fullkomin eins og hún er.

Hann vill á meðal annars taka út innköst og væri til í að leikmenn myndu frekar sparka boltanum í leik.

,,Það eru nokkrir litlir hlutir sem ég væri til í að breyta,“ sagði Lineker í hlaðvarpsþættinum Behind Closed Doors.

,,Aukaspyrnur – þú ættir að geta tekið þær strax og jafnvel gefið boltann á sjálfan þig.“

,,Ég myndi taka út innköst og bara sparka boltanum inn. Það er fótbolti. Hver er tilgangurinn með innköstum?“

,,Það tekur endalausan tíma að taka innköst. Settu boltann bara niður og sparkaðu honum í leik.“