Mesut Özil, leikmaður Arsenal, hefur ekki verið með liðinu í undanförnum leikjum.

Það eru fáir sem tjá sig jafn mikið um Arsenal á samskiptamiðlum og sjónvarpsmaðurinn Piers Morgan.

Morgan er harður aðdáandi Arsenal og hefur nú tjáð sig um Özil. Hann er ekki hrifinn af þýska leikmanninum þessa stundina.

,,Á hans degi þá er hann heimsklassa leikmaður og jafnvel sá hæfileikaríkasti sem við eigum,“ sagði Morgan.

,,Hann hverfur þó alltof oft og ég hef aldrei kynnst leikmanni sem tekur eins marga veikindardaga.“

,,Það er eitthvað að hjartanu hans. Ekki andlega eða líkamlega heldur eitthvað sem kemur honum ekki almennilega í gang.“

,,Ef hann getur ekki spilað eins og Emery vill, farðu þá og spilaðu annars staðar.“

,,Mér er alveg sama hversu góður þú ert því aðrir leikmenn eru að gefa allt í þetta.“