Markavélin Garðar Gunnlaugsson hefur skrifað undir samning við Íslandsmeistara Vals.
Þetta staðfesti félagið í dag en Garðar kemur til liðsins á frjálsri sölu eftir dvöl hjá ÍA á Akranesi.
Garðar er flestum kunnur en hann hefur raðað inn mörkum fyrir ÍA síðustu ár og á einnig að baki landsleik fyrir Ísland.
Framherjinn hefur reynt fyrir sér í atvinnumennsku og spilaði fyrir lið eins og Norrkoping og CSKA Sofia.
Garðar er kominn á seinni árin í boltanum en hann er 35 ára gamall. Hann gerir samning við liðið út næsta sumar.
Garðar var á mála hjá Val frá 2004 til 2006 og gerði þá 14 deildarmörk í 38 leikjum.
Markakóngur til liðs við Val! Garðar Gunnlaugson hefur gert samning við Val út keppnistímabilið 2019. #fotboltinet #fotboltinetRT #433_is #ruvithrottir #ksi #pepsideildin https://t.co/PsOWoNPqq3 pic.twitter.com/289HX6GqbM
— ValurFotbolti (@Valurfotbolti) 28 November 2018