Theodór Elmar Bjarnason hefur yfirgefið lið Elazigspor í Tyrklandi en hann staðfesti þetta á dögunum.
Elmar hefur síðustu daga verið að æfa með KR en þetta staðfesti hann í samtali við 433.is nýlega.
Elmar hefur undanfarið ár leikið með Elazigspor en liðið spilar í næst efstu deild í Tyrklandi Miðjumaðurinn kom til félagsins frá AGF á síðasta ári en hann hafði leikið í Danmörku frá árinu 2012 með AGF og Randers.
Félagið hefur verið í vandræðum með að borga leikmönnum laun og er nú óvíst hvað tekur við.
Elmar sagði í samtali við 433.is að framtíð sín gæti ráðist á næstu vikum, hann sé með tilboð frá nokkrum liðum sem hann skoði.
Elmar er KR-ingur í húð og hár, ef hann kemur heim er líklegt að hann fari Í KR.
Hann var mættur á völlinn í kvöld til að spila með KR í Bose-mótinu gegn Stjörnunni í Kórnum.
Þetta er í fyrsta sinn sem Elmar klæðist KR-treyjunni í heil 14 ár sem gleður marga svarthvíta.
??? pic.twitter.com/YglRoMv369
— KR Reykjavik FC (@KRreykjavik) 27 November 2018
