Aron Einar Gunnarsson, einn merkasti íþróttamaður í sögu Íslands var að gefa út ævisögu sína, Sagan mín. Vísir.is skrifar upp úr bókinni á vef sínum.

Þar fer Aron Einar yfir það þegar hann meiddist í vor þegar stutt var í Heimsmeistaramótið í Rússlandi.

Fyrst um sinn var óttast að fyrirliði liðsins yrði ekki leikfær á mótinu og þessi öflugi víkingur, óttaðist það versta.

Aron meiddist á bæði hné ög ökkla en liðband í hné skaddaðist, hann fór í myndatöku og átti svo að ræða við lækna. Þegar hann hafi klætt sig og labbaði til þeirra, sá hann eiginkonu sína og læknana. Kristbjörg Jónasdóttir, brosti og það gaf Aroni von.

„Þegar að ég kom inn í herbergið var andlit Kristbjargar það fyrsta sem ég sá – og hún brosti! Það létti yfir mér á einu augnabliki, örugglega sterkar en nokkru sinni fyrr á ævinni,“ segir Aron í bókinni sem Vísir.is skrifar upp úr.

„Ég brotnaði gjörsamlega niður. Það að ég ætti von, vonarglætu, endurspeglaðist svo ótrúlega skýrt í andlitinu á Kristbjörgu. Ég hágrét, vitandi að ég ætti einhvern séns,“

Það fór svo að Aron lék á HM og stóð eins og alltaf fyrir sínu. Bók Arons er kominn í allar helstu verslanir.

Aron verður á landinu á morgun og mun árita. Aron á leik gegn Everton í ensku úrvalsdeildinni í dag og flýgur svo til Íslands í fyrramálið. Aron verður í Pennanum í Kringlunni kl. 14 og í Hagkaup í Smáralind kl. 16.