Aron Einar Gunnarssn fyrirliði Íslands er að gefa út ævisögu sína, Fótbolti.net birtir áhugaverðan kafla úr bókinni í dag.

Fjallað er um mál sem kom upp árið 2013 þegar Ísland og Króatía áttust við í umspili um laust sæti á HM.

Vísir.is skrifaði þá skömmu fyrir síðari leikinn að leikmenn Króatíu hefðu litlar áhyggjur, þeir hefðu dottið í það á Íslandi eftir fyrri leikinn sem endaði 0-0.

Fréttirnar fóru illa í Króata en í frétt Vísis stóð. ,,Þá sátu átta leikmenn liðsins að sumbli langt fram á nótt. Samkvæmt áreiðanlegum heimildum Vísis voru bornir rúmlega 70 bjórar upp á herbergi til leikmannanna. Það eru hátt í tíu bjórar á mann.“

„Seinna grínðust einhverjir með að þessi blaðamaður hefði borið ábyrgð á því hvernig einvígið við Króatíu fór en það er fulldjúpt í árinni tekið,“ hefur Fótbolti.net eftir Aroni úr bókinni.

,,Að mínu mati kom þetta mál okkur hins vegar ekkert við og átti ekkert erindi í fréttir. Þar að auki fannst mér lélegt af hótelinu að leka svona upplýsingum, ef þetta var á annað borð satt,“ segir Aron í bók sinni.