Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er þjálfari HB í Færeyjum, Heimir Guðjónsson sem var lengi þjálfari FH hér heima.

Heimir ákvað eftir tímabilið í Færeyjum að skrifa undir nýjan samning eftir að hafa unnið meistaratitilinn.

Fjölskyldu hans líður vel í Færeyjum og segist hann vinna með góðu fólki sem vilji alltaf hjálpa til.

,,Það gekk mjög vel. Mér og fjölskyldu minni hefur liðið vel þarna og þetta er frábært fólk sem vill allt fyrir mann gera,“ sagði Heimir.

,,Auðvitað er það þannig að þegar vel gengur þá vilja allir hjálpa til en þetta er mjög gott fólk.

,,Það kitlaði svolítið eftir að hafa unnið titilinn, það er erfiðara að verja titil, það kitlaði að sjá hvort það væri mögulegt að fylgja því eftir og að spila í forkeppni Meistaradeildarinnar.“

,,Eins og með Val í sumar, það eru ákveðnir möguleikar í forkeppni Meistaradeildarinnar eftir að þessu var breytt.“

,,Valur spilaði við Rosenborg og voru dæmdir úr leik en þá fékk Valur annað tækifæri sem þeir vinna svo. Það eru möguleikar í forkeppninni.“

Meira:
Heimir ræðir einn umdeildasta leik Íslandssögunnar
Heimir ræðir umdeildan brottrekstur – Ekki fæddur í gær
Er þetta stærsti galli Heimis Guðjónssonar?