Jóhann Berg Guðmundsson, leikmaður Burnley, heimsótti skólann Blessed Trinity á dögunum.

Jóhann er í miklum metum í Burnley en hann er gríðarlega vinsæll hjá stuðningsmönnum félagsins.

Jóhann var gestur á knattspyrnuleik skólanns sem mætti liði St. Bede’s frá Blackburn en sá leikur tapaðist 3-1 í bikarkeppni.

Krakkarnir í skólanum fengu svo að spyrja Jóhann ýmsa spurninga og fékk einn heppinn að taka leik við íslenska landsliðsmanninn í tölvuleiknum FIFA.

,,Við erum hæstánægð með að Jóhann hafi stoppað við. Nemendurnir voru svo spenntir og margir fengu eiginhandaarátinar og myndir,“ sagði skólastjórinn Neil Stubbs.

,,Þetta var frábært tækifæri fyrir þau – Við erum bara vonsvikin með að hafa ekki komist áfram í keppninni sem við unnum árið 2013.“

Vængmaðurinn talaði svo um sitt besta mark í treyju Burnley og gaf krökkunum góð ráð fyrir framtíðina.

,,Það mark sem ég mun seint gleyma var markið gegn Manchester City á síðustu leiktíð. Þeir voru besta lið deildarinnar og voru yfir 1-0.“

,,Ég náði svo að jafna metin á Turf Moor og við gerðum jafntefli sem voru frábær úrslit fyrir okkur.“

,,Það ráð sem ég myndi gefa er að æfa aukalega, að æfa meira en allir aðrir og spila mikið af fótbolta eða hvaða íþrótt sem er.“

Jóhann hefur spilað gegn ófáum góðum leikmönnum á ferlinum og svaraði að lokum hver væri hans erfiðasti andstæðingur hingað til.

,,Lionel Messi er ansi góður og Cristiano Ronaldo er líka allt í lagi!“ svaraði okkar maður með bros á vör.

Jóhann spilaði svo eins og áður sagði FIFA við einn heppinn nemanda en tapaði þeim leik 3-0!