Markvörðurinn Alisson hefur þótt standa sig ansi vel síðan hann kom til Liverpool í sumar frá Roma.

Alisson hefur gert nokkur smávægileg mistök í leikjum á tímabilinu og ein stór mistök í leik gegn Leicester.

Hann hefur þó heilt yfir þótt standa sig með prýði og eru flestir stuðningsmenn ánægðir með hans framlag.

Það er ekki hægt að segja um Edwing Tellez sem er stuðningsmaður Liverpool og býr í Mexíkó.

Hann ákvað að láta Alisson heyra það á Twitter í gær og vill meina að Brassinn sé ekki nógu góður til að spila fyrir þá rauðu.

Markvörðurinn var ekki ánægður með þessi ummæli Tellez og ákvað að svara honum fullum hálsi.

,,Sérðu hvernig móttökur þessi ummæli þín eru að fá, hálfvitinn þinn?“ svaraði Alisson.

Tellez hélt þá áfram og vill meina að hann ‘labbi aldrei einn’ en stuðningsmannalag Liverpool er einmitt ‘You Never Walk Alone’.

,,Ég er rauður og það skiptir ekki máli ef þú og fylgjendur þínir kallið mig hálfvita. Ég labba aldrei einn. Þú þarft vinna þér fyrir því að klæðast þessari treyju en það hefurðu ekki gert,“ svaraði Tellez svo.

Alisson endaði þessa umræðu og sagði Tellez að það væri útlit fyrir að hann væri einn á þessari skoðun.