Það gengur illa hjá knattspyrnusambandi Íslands að selja miða á leik gegn Sviss í Þjóðadeildinni í næstu viku.

Mikið stuð hefur verið í kringum karlalandsliðið undanfarin ár eftir keppni á EM 2016 og HM fyrr á þessu ári.

Gengi Íslands undanfarið hefur hins vegar ekki verið gott og vann liðið síðast keppnisleik fyrir ári síðan.

Ísland mætti Belgíu og Sviss í Þjóðadeildinni nýlega og tapaði þeim leikjum stórt. Staðreyndin er sú að liðið er ekki að spila eins vel og undanfarin ár.

Guðni Rúnar Gíslason, hagfræðingur, fer yfir málin á Twitter síðu sinni en KSÍ er að rukka minnst 3,500 krónur fyrir miða á leikinn gegn Sviss á Laugardalsvelli.

,,Þetta snýst því ekki bara um að fólk sé að snúa baki við liðinu. Miðarnir eru bara of dýrir fyrir vöruna sem KSÍ er að selja,“ skrifar Guðni á meðal annars.

Hæsta miðaverð á Laugardalsvöll er 7,500 krónur en búast má við að það verði ekki uppselt á leikinn á mánudaginn næstkomandi. Í síðustu viku var greint frá því að aðeins 2000 miðar væru seldir.

,,Þetta hefði mögulega gengið ef við hefðum dregiðst á móti meira spennandi þjóðum,“ bætir Guðni við.

,,Sviss er ekki Spánn eða England. Bottom line: KSÍ er að sjá hámark á hvað hægt er að rukka fyrir miðana.“

Hér má sjá færslur Guðna í heild sinni.

Smá innlegg um dræma miðasölu hjá fótboltalandsliðinu. Fyrir utan smá lægð þá er miðaverð einfaldlega of hátt. Klárt ofmat hjá KSÍ á hvað fólk er tilbúið að borga.

— Gudni Runar Gislason (@GudniGislason) 6 October 2018

Sama verð er núna og var á upphitunarleikjum fyrir HM og hærra en í undankeppni HM2018 og EM2016. Þar fyrir utan er Þjóðadeildin ekki sama vara og EM eða HM og kemur í stað æfingaleikja. Það var t.d. lægra miðaverð á umspilsleikina á móti Króatíu fyrir HM en leikinn á móti Sviss.

— Gudni Runar Gislason (@GudniGislason) 6 October 2018

Þetta hefði mögulega gengið ef við hefðum dregist á móti meira spennandi þjóðum. Sviss er ekki Spánn eða England. Bottom line: KSÍ er að sjá hámark á hvað hægt er að rukka fyrir miðana.

— Gudni Runar Gislason (@GudniGislason) 6 October 2018

Þetta snýst því ekki um að fólk sé að snúa baki við liðinu. Miðarnir eru bara of dýrir fyrir vöruna sem KSÍ er að selja.

— Gudni Runar Gislason (@GudniGislason) 6 October 2018