Hjörvar Hafliðason, sem stýrir hlaðvarpsþættinum Dr. Football fór yfir M-gjöfina í Morgunblaðinu í þætti dagsins ásamt sérfræðingum þínum.

Þar benda þeir á lið ársins í Pepsi deild karla í Morgunblaðinu sem valið er eftir M-gjöf blaðsins. Þar fá menn M fyrir góða frammistöðu í hverjum leik og tvö eða þrjú ef frammistaðan er stórkostleg.

,,Það er mikið búið að hlæja af M-gjöf Morgunblaðsins, ég hef alltaf kunnað að meta hana frá því að ég var lítill. Maður fylgist svo vel með núna að það var alls konar fyndið dót í M-gjöfinni núna, við skulum kannski ekki hjóla of harkalega í mína menn á Morgunblaðinu, en hvað fannst ykkur fyndnast í M-gjöfinni?;“ spurði Hjörvar

Hann bætti svo við síðar í umræðunni. ,,Kristinn Freyr er besti leikmaður Vals en ekki Eiður Aron eða Patrick Pedersen, af topp fimm leikmönnum Breiðabliks í ár er enginn staður fyrir Gunnleif Gunnleifsson.“

Smelltu hér til að hlusta á þátt dagsins hjá Hjörvari

Kristján Óli Sigurðsson, sérfræðingur þáttarins þekkir M-gjöfina frá sínum tíma sem leikmaður í efstu deild.

,,Þetta er barn síns tíma, því miður. Við skulum ekki taka of mikið mark á þessu en Mogginn sinnir þessu vel, eru með menn á öllum leikjum. Þetta lið ársins er bara grín, það eru Keflvíkingar þarna sem fá fleiri M en Gunnleifur Gunnleifsson.“

Mikael Nikulásson, sérfræðingur þáttarins telur að Davíð Oddsson, ritstjóri Morgunblaðsins þurfi að boða til fundar.

,,Þetta er fáránlegt lið, er ekki verið að verðlauna menn fyrir góðan eða slæman leik. Þarf ekki Dabbi Odds að halda starfsmannafund, fara yfir málin. Þetta er mesta djók sem ég hef séð. Lið ársins, tveir KR-ingar þarna. Kristinn Jónsson og Óskar Örn. Hilmar Árni ekki í liðinu með sín 16 mörk en Óskar Örn með þrjú. Ég spái því að það verði ekki M á næsta ári.“

Víðir Sigurðsson, yfirmaður íþróttadeildar Morgunblaðsins birti M-gjöfina á Twitter. ,,Uppgjör á M-gjöf @mblsport í Mogganum í dag. Besti leikmaður @Pepsideildin karla, úrvalslið deildarinnar, lið erlendra, ungra og gamalla leikmanna. Hverjir voru fimm bestu í hverju liði deildarinnar?,“ skrifaði Víðir en þetta má sjá hér að neðan.