Pedro F. Hipólito hefur átt í viðræðum um að taka við ÍBV og líkur eru á að hann taki við liðinu. Þetta herma heimildir 433.is.

Hipólito lét af störfum sem þjálfari Fram á dögunum eftir að tímabilinu lauk í 1. deildinni.

Hjá Fram var Ólafur Brynjólfsson aðstoðarþjálfari hans, ekki er öruggt að hann fari með Hipólito til Eyja. Þeir félagar náðu ágætis árangri með Fram við mjög erfiðar aðstæður.

Samkvæmt heimildarmanni 433.is í Grindavík eru Pedro og Ólafur í stúkunni á leik Grindavíkur og ÍBV.

Þessi þjálfari frá Portúgal ku hafa rætt við ÍBV en málið mun skýrast á næstunni.

Kristján Guðmundsson mun láta af störfum sem þjálfari ÍBV síðar í dag, þegar leik liðsins gegn Grindavík er á enda.

ÍBV leitar því að eftirmanni hans en fleiri hafa verið orðaðir við starfið, þar á meðal Ian Jeffs, sem var með kvennaliðið.