Það stefndi margt í það að Barcelona myndi fá öflugan liðsstyrk í sumar fyrir komandi átök á leiktíðinni.

Frakkinn Antoine Griezmann var ofarlega á óskalista Börsunga og reyndi félagið að fá hann frá Atletico Madrid.

Griezmann staðfesti það þó að lokum í júní að hann yrði áfram hjá Atletico þrátt fyrir áhuga Barcelona.

Griezmann segir að hann hafi aldrei þurft að taka eins erfiða ákvörðun og átti í erfiðleikum með svefn.

,,Eins og ég hef sagt áður þá hafa þeir gefið mér ást. Allir vildu vita hvernig mér leið,“ sagði Griezmann.

,,Þetta var erfiðasta ákvörðun sem ég hef þurft að taka. Ég vakti konuna mína upp klukkan þrjú um nótt til að tala um málið.“