Það ættu flestir að hafa heyrt nafnið George Weah en hann var frábær knattspyrnumaður á sínum tíma.
Weah lék með liðum á borð við Monaco, AC Milan, Chelsea, Manchester City og Marseille á ferlinum.
Weah lagði skóna á hilluna árið 2003 eftir dvöl hjá Al Jazira en hann er í dag forseti heimalandsins, Líberíu.
Weah kom öllum á óvart í gær er hann var í byrjunarliði Líberíu gegn Nígeríu í vináttuleik.
Weah er 51 árs gamall í dag og lék alls 80 mínútur í 2-1 tapi. Leikmenn á borð við Kelechi Iheanacho, Peter Etebo og Wilfred Ndidi spiluðu fyrir Nígeríu.
