Logi Geirsson fyrrum landsliðsmaður í handbolta botnar ekkert í því af hverju Erik Hamren valdi ekki Albert Guðmundsson í A-landsliðshópinn.

Albert var öflugur í verkefni með U21 árs landsliðinu en Hamren taldi sig ekki hafa not fyrir hann í leikjunum gegn Sviss og Belgíu.

Albert sem er fæddur árið 1997 var í HM hópi Íslands og kom við sögu í síðasta leiknum gegn Króatíu.

,,Sá Albert Guðmundsson spila með U-21. Þvílíkir hæfileikar?, hvernig getur hann ekki verið starter í A-Liðinu? Skil það ekki! Gæinn er settur inn á fótboltavöll og hann raðar inn mörkum og er betri á boltann en allir aðrir,“ skrifar Logi á Twitter.

Logi segir að Albert sé Messi okkar Íslendingar og birtir myndband með því. ,,Þetta er okkar Messi,“ skrifar Logi og birtir myndbandið hér að neðan.

,,Ég er enginn sérfræðingur í fótbolta en sé mjög greinilega þá sem hafa þetta EXTRA. Jói Berg, Gylfi, Birkir og fleiri eru flottir á boltann en þessi er bara með eitthvað annað element. Horfðu á videoin af honum á youtube. Rosalegt auga og finish,“ segir Logi einnig.