Hannes Þór Halldórsson, markvörður Íslands, telur að spilamennska liðsins gegn Belgíu í kvöld hafi verið í lagi.

Belgía kom sá og sigraði á Laugardalsvelli en liðið vann 3-0 sigur. Ísland spilaði þó betur en gegn Sviss á laugardag.

,,Við viljum meina það að við getum náð í úrslit gegn öllum liðum á Laugardalsvelli,” sagði Hannes.

,,Við höfðum ekki tapað keppnisleik í 5-6 ár hérna og við höfum bullandi trú á því að við eigum ekki að tapa.”

,,Belgarnir eru þó algjörlega frábærir. Við spilum þannig séð að mörgu leiti allt í lagi leik í dag og þeir kannski ekki frábæran en samt töpum við 3-0.”

,,Á góðum degi þegar allt gengur upp hjá okkur þá eigum við séns í þetta lið en þeir sýna klassa og við fáum á okkur ódýr mörk í dag.”

,,Við sýndum það að við ætluðum okkur þetta og við vorum særðir eftir síðasta leik en þeir voru of góðir í dag.”

Nánar er rætt við Hannes hér fyrir neðan.