Matteo Guendouzi, leikmaður Arsenal, hefur staðið sig með prýði eftir að hafa samið við félagið í sumar.

Guendouzi er aðeins 19 ára gamall en Arsenal fékk hann til sín frá franska félaginu Lorient.

Það var fyrrum leikmaður Arsenal, Jeremy Aliadiere sem sannfærði leikmanninn um að semja.

,,Ég vissi það um leið og ég sá hann að hann væri sérstakur og að mörg lið myndu eltast við hann,” sagði Aliadiere.

,,Ég sagði við hann að Arsenal væri klárlega rétti staðurinn fyrir hann til að þroskast sem leikmaður.”

,,Þú getur samið við stórt lið og aldrei fengið tækifæri en Arsenal gefur ungum leikmönnum alltaf séns. Ég taldi að það væri gott fyrir hann.”