Öll veikjumst við og ung börn verða oftar en ekki fyrir barðinu á allskonar pestum. Oft er um hefðbundnar pestar að ræða en stundum geta alvarlegri veikindi gert vart við sig. Hér að neðan gefur að líta yfirlit yfir tíu einkenni sem foreldrar ungra barna ættu aldrei að leiða hjá sér heldur ráðfæra sig við lækni. Breska blaðið Mirror tók saman.
Hiti yfir 37,5 gráður er það sem kallað er í daglegu tali, hiti. Margir læknar segja að hitinn einn og sér sé ekki eins mikilvægur og það hvernig barnið ber sig. Ef barnið leikur sér eins og venjulega og borðar eins og venjulega er líklega engin ástæða til að hafa áhyggjur. En ef börnin eru ekki sjálfum sér lík gæti það verið merki um eitthvað sem læknar þyrftu að skoða. Undantekningin eru börn undir þriggja mánaða, ef þau fá háan hita eiga þau alltaf að fara til læknis.
Þessi einkenni og fleiri til, svo sem uppköst, ruglingur og viðkvæmni fyrir ljósi, gætu verið merki um heilahimnubólgu sem getur reynst lífshættuleg. Það er mikilvægt að hafa í huga að stundum gera öll þess einkenni ekki vart við sig, til dæmis hnakkastífleiki og útbrot. Mikilvægt er að hafa vaðið fyrir neðan sig þegar einkennin gera vart við sig og leita til læknis.
Foreldrar þekkja börn sín og vita hvernig þau gráta, hvenær þau gráta en stundum er erfitt að átta sig á því hvers vegna þau gráta. Margir foreldrar skynja það ef eitthvað er að, stundum heyrist það á grátri barnsins að eitthvað meira amar að en eðlilegt getur talist. Ef gráturinn er mjög mikill og varir í langan tíma gæti það verið merki um veikindi, til dæmis heilahimnubólgu.
Ef þú tekur eftir því að barnið þitt á erfitt með að anda, andar óvenjulega hratt þarftu að fara með það til læknis strax. Barnið þitt gæti verið astma eða veirusýkingu í lungum. Ef barnið andar hratt er það merki um að það líkami þess fái ekki nóg súrefni við venjulegan andardrátt. Farðu strax með barnið til læknis ef þessi einkenni gera vart við sig.
Magakveisur eru algengir hjá ungum börnum en þær ganga oftast yfir á skömmum tíma. Ef barnið þitt kvartar undan miklum verkjum sem vara í langan tíma er það merki um að eitthvað sé að sem þarfnast frekari skoðunar. Barnið þitt gæti verið með botnlangabólgu en merki um það eru verkir hægra meginn í kviðnum, neðarlega.
Höfuðverkir eru algengir og ganga yfirleitt yfir á nokkrum tímum. En ef barnið þitt kvartar undan höfuðverk eftir að hafa dottið á höfuðið gæti það verið merki um heilahristing. Þeir sem fá heilahristing kasta stundum upp og verða ringlaðir og því er mikilvægt er að vera vakandi fyrir þessum einkennum.
Ofnæmi meðal barna hefur farið vaxandi á undanförnum áratugum. Mikilvægt er að hafa nokkur atriði í huga varðandi þetta. Fæðuofnæmi getur stundum verið banvænt, en algengir ofnæmisvaldar eru til dæmis egg, fiskur og hnetur. Þá getur líkaminn framkallað ofsafengin ofnæmisviðbrögð eftir bit frá skordýrum. Ef barnið þitt á erfitt með að anda, kvartar undan verkjum í hálsi, er með bólgna tungnu eða útbrot gæti það verið merki um bráðaofnæmi sem þarf að meðhöndla strax.
Ef það líður yfir barnið þitt án nokkurrar sýnilegrar ástæðu þarftu að fara með barnið þitt til læknis undir eins, jafnvel þó barnið virðist vera við góðu heilsu á eftir.
Þetta getur verið merki um sykursýki sem þarf að meðhöndla strax. Ef ekki er farið til læknis strax gæti barnið þornað upp.
Sem fyrr segir eru niðurgangspestir og uppköst ekki svo óalgengir kvillar meðal barna. En ef þessi einkenni vara lengi, eða tímunum saman, gæti barnið ofþornað sem er öllum hættulegt, sérstaklega ungum börnum.
