Breiðablik tryggði sér farseðilinn í úrslit Mjólkurbikars karla í kvöld er liðið vann Víking Ólafsvík í vítakeppni í Kópavogi.
Leiknum lauk með 2-2 jafntefli eftir framlengingu en Blikar höfðu að lokum betur á vítapunktinum.
Víkingar mæta því Stjörnunni í úrslitaleik bikarsins en Stjarnan vann FH í fyrri undanúrslitaleiknum í gær.
Hér má það góða og slæma úr leiknum.
Plúsar :
Varnarleikur Víkinga í dag var algjör snilld, Blikar komust hvorki lönd né strönd í sóknarleik sínum og skoruðu eina mark sitt í venjulegum leiktíma eftir einstaklingsmistök, reyndu allar leiðir en ekkert gekk og ótrúlegt að sjá lið úr Inkasso deildinni verjast svona vel á einum erfiðasta útivelli Landsins.
Kwame Quee og Emanuel Eli Keke sýndu það í dag að þeir eru á pari við bestu leikmenn landsins, ef Víkingar fara ekki upp hljótum við að sjá Pepsi deildar lið hreinlega kaupa þá.
Brynjólfur Darri Willumsson fær að sjálfsögðu plús fyrir markið sitt á 120 mínútu, margir hefðu gefið hann í þessari stöðu en hann hamraði honum bara í vinkilinn, alveg óhræddur. Hann og Gunnleifur sigldu Blikum í úrslitaleikinn.
Mínus:
Uppspil Blika í dag var hræðilegt, gekk það illa að þeir voru farnir að senda langa upp á Thomas Mikkelsen lungað úr leiknum sem er andstæðan við þeirra hugmyndafræði.
Tafir Ólafsvíkinga voru orðnar verulega þreyttar og kjánalegar þegar leið á leikinn. Fransisco var aðalleikari og hinir 10 voru aukaleikarar í þeim leikþætti