Bruce Grobbelaar, fyrrum leikmaður Liverpool, segir að aðeins einn leikmaður komi til greina hjá félaginu sem arftaki fyrrum miðjumannsins Steven Gerrard.

Naby Keita klæðist treyju númer átta hjá Liverpool á leiktíðinni en Gerrard var sá síðasti til að nota það númer.

Grobbelaar segir að það sé hárrétt ákvörðun að láta Keita fá það númer og að enginn annar komi til greina.

,,Ég trúi því í alvöru að hann sé eini leikmaðurinn sem gæti tekið við treyju númer 8 af Steven Gerrard, hann er fullkominn í þessari stöðu,“ sagði Grobbelaar.

,,Stevie G var frábær leikmaður og minning hans mun alltaf lifa hjá þessu félagi.“

,,Keita er hins vegar eini náunginn sem ég hefði gefið þessa treyju til að reyna að gera það sama og Gerrard gerði.“