Paul Gascoigne, fyrrum landsliðsmaður Englands, var gestur í sjónvarpsþættinum Soccer AM um helgina.
Gascoigne yfirgaf hins vegar þáttinn snemma eða eftir 45 mínútur og fengu áhorfendur þá útskýringu að honum hafi ekki liðið of vel.
Margir byrjuðu þá að tala um að Gascoigne hafi verið drukkinn í þættinum en hann hefur lengi glímt við áfengisvandamál.
Fólk talaði um að það hafi verið erfitt að skilja sumt af því sem Gascoigne hafði að segja og að hann hafi verið undir áhrifum.
Þessi litríki karakter hefur nú svarað fyrir sig en honum leið ekki vel eftir að hafa tekið inn svefntöflur.
Gascoigne á erfitt með svefn og tekur töflurnar vegna þess og greindi hann frá því á Twitter síðu sinni.
Ha just read some of the tweets some say I’m looking well others say it’s the best they’ve seen me and others are saying i was drunk it’s every time I’m doing well that’s ok I been taking sleeping tablets to try kip that all love GAZZA xxxx
— Paul Gascoigne (@Paul_Gascoigne8) 11 August 2018
