Marcelo Bielsa tók við liði Leeds United í sumar en hann er gríðarlega reyndur stjóri og hefur komið víða við.
Bielsa er mjög litríkur karakter en hann sá sína menn sigra Stoke City 3-1 í fyrsta leik tímabilsins í ensku Championship-deildinni í gær.
Viðtal Sky Sports við Bielsa eftir leik vekur nú mikla athygli en Argentínumaðurinn hefur enn ekki náð góðum tökum á enska tungumálinu.
Bielsa mætti í viðtalið ásamt túlk sem þýddi spurningar blaðamanns yfir á spænsku svo sá argentínski gæti svarað fyrir sig.
Venjan er að þeir sem tali ekki ensku svari fyrir sig á móðurmálinu en eins og áður sagði er Bielsa afar sérstakur karakter.
Ferlið fór svona: Blaðamaður spyr Bielsa á ensku – Túlkur spyr Bielsa sömu spurningu á spænsku – Bielsa svarar á móðurmálinu – Túlkur þýðir svo svar Bielsa yfir á ensku en mátti þó sjálfur ekki svara í míkrafóninn heldur reyndi Bielsa sitt besta sem kom skrautlega út!
Það er þó á hreinu að Bielsa er að reyna sitt besta í að læra tungumálið en hann kunni varla orð í ensku er hann tók við liðinu í sumar.
Þetta er allt gríðarlega flókið en myndbandið hér fyrir neðan talar sínu máli.
Reporter asks question in English, question translated into Spanish, Bielsa gives answer in Spanish, translated into English, Bielsa gives answer in English. ?
If only all manager interviews were like this ?? pic.twitter.com/UnNDND2h4z— Soccer AM (@SoccerAM) 6 August 2018