Eins og allir vita hefur Cristiano Ronaldo skrifað undir samning við ítalska stórliðið Juventus.
Ronaldo kemur til Juventus frá Real Madrid þar sem hann hefur leikið við góðan orðstír síðustu níu ár.
Ronaldo mun fá treyju númer sjö hjá Juventus en það númer var þó tekið áður en Portúgalinn færði sig yfir.
Juan Cuadrado klæddist treyju númer sjö hjá Juventus á síðustu leiktíð en hann þarf að fá nýtt treyjunúmer.
Cuadrado staðfesti það sjálfur á Instagram í dag en segist einnig ánægður með að geta afhent Ronaldo númerið.
,,Það er betra að gefa en að þiggja,“ segir Cuadrado og birti mynd af sér haldandi á Juventus treyju merktri Ronaldo.