Geta konur ratað? Það eru að minnsta kosti margir karlmenn sem standa í þeirri trú að þeir séu miklu betri í að rata en konur og hafa nánast enga trú á þeim þegar kemur að því að rata. Til að leita svara við þessu ræddi Samvirke við Troels W. Kjær, heilasérfræðing hjá sjúkrahúsinu í Hróarskeldu í Danmörku.

Hann sagði að konur geti alveg ratað eins og karlar og fundið réttu leiðina en benti um leið á að það sé mikill munur á kynjunum. Konur sé lélegri í að rata og að leggja bílum samsíða. Á móti sé félagsleg færni karla minni og þeir eigi erfiðara með að sýna samkennd. Ekki megi síðan gleyma að það sé miklu meiri munur á milli einstaklinga en á milli kynjanna.

Hann sagði að sumar konur hafi litla tilfinningu fyrir í hvaða átt norður er og ruglist auðveldlega ef þær sitja í bíl sem er beygt oft. Á móti séu margar konur góðar í að muna smáatriði sem sé einmitt hluti af því sem kemur við sögu þegar það þarf að rata.