Hörður Snævar Jónsson skrifar frá Rússlandi:

Leikmenn Íslands munu fá að hitta fjölskyldur sínar í dag í fyrsta sinn frá því að þeir komu til Rússland.

Einhverjir náðu að kasta kveðju beint eftir leikinn við Argentínu en í dag gefst tími til að hittast að alvöru.

Ísland mætir Nígeríu í Volgograd á morgun og verður gaman að sjá hvort tíminn með fjölskyldum hjálpi ekki til að róa taugarnar fyrir leikinn.

,,Við komum í gær og svo var bara æfing í morgun, við höfum ekki tekið þátt í stemmingunni í Volgograd,“ sagði Heimir Hallgrímsson í dag.

,,Núna geta menn skoðað sig um og séð styttuna hjá vellinum og svo hittum við fjölskyldur okkar í dag í fyrsta sinn hérna úti. Við notum daginn í að ná okkur og njóta borgarinnar.“