West Ham United er í viðræðum við Paris Saint-Germain um kaup á miðjumanninum Javier Pastore.
Sky Sports greinir frá þessu í dag en Pastore er fáanlegur fyrir 20 milljónir evra samkvæmt þessum fregnum.
PSG hefur ekki not fyrir þennan 28 ára gamla leikmann sem samdi við liðið árið 2011 fyrir 37 milljónir punda.
Pastore á að baki 269 leiki fyrir franska stórliðið og hefur skorað 45 mörk og lagt upp önnur 62.
Mörg stórlið hafa sýnt Pastore áhuga í gegnum tíðina en nú er útlit fyrir að hann sé á leið til West Ham.
