Jose Mourinho, stjóri Manchester United, segir að það sé ekkert skemmtilegt við að horfa á fótboltaleik þar sem mörg mörk skilja lið að.

Mourinho var spurður út í hvort leikur morgundagsins gegn Chelsea yrði skemmtilegur en liðin eigast við í úrslitum enska bikarsins.

,,Ég skil ennþá ekki þetta tal um skemmtanagildi. Telur þú að 6-0 sigur sé skemmtun? Ég er ekki sammála,“ sagði Mourinho.

,,Skemmtun er þegar það eru tilfinningar í leiknum þar til í lokin, þegar leikurinn getur farið hvernig sem er.“

,,Allir halda sér fast í sætum og báðir varamannabekkirnir eru stressaðir. Það er skemmtun fyrir mér. Svo ég held að þessi leikur verði skemmtilegur.“