,,Við vorum 1-0 yfir og allt í einu fáum við tvö mörk í andlitið, þetta er pirrandi,“ sagði Arsene Wenger stjóri Arsenal eftir 2-1 tap gegn Bournemouth.
Arsenal fékk á sig tvö mörk með stuttu millibili í síðari hálfleik og missti niður forskotið.
,,Við verðum að horfa á þetta og vera harðir við okkur, þetta voru mistök sem við eigum ekki að gera.“
,,Lið sem berjast fyrir sæti sínu munu alltaf berjast og þú mátt ekki missa einbeitinguna.“
,,Við urðum að vinna leikinn, við gerðum mörg mistök í seinna markinu þeirra.“
Alexis Sanchez var ekki í leikmannahópi Arsenal og gæti verið að fara. ,,Hann er hálfur inni og hálfur úti, maður veit aldrei hvernig þetta endar.“
