Luke Shaw, vinstri bakvörður Manchester United er að ganga í gegnum erfiða tíma.

Hann var í byrjunarliði United á dögunum sem vann 2-0 sigur á Brighton í enska FA-bikarnum en Jose Mourinho ákvað að taka hann af velli í hálfleik.

Mourinho gagnrýndi hann svo harkalega eftir leikinn en Paul Scholes, fyrrum miðjumaður félagsins segir að Shaw geti orðið besti bakvörður heims, ef hann yfirgefur Manchester United.

„Ég tel að hann geti orðið besti bakvörður heims einn daginn,“ sagði Scholes.

„Hann gæti farið til Tottenham í sumar þar sem hann getur bætt leik sinn. Stundum fá stjórar einhverja flugu í hausinn að einhver leikmaður henti þeim ekki. Hann getur átt frábæran leik en samt gagnrýnir stjórinn hann.“

„Þetta eru vonbrigði því það voru allir mjög spenntir fyrir því þegar hann kom til félagsins. Ég tel að hann muni fara í sumar, hann á enga framtíð hjá félaginu á meðan Mourinho er knattspyrnustjóri.“

„Ég er alveg viss um að hann verði seldur í sumar,“ sagði Scholes að lokum.