Mohamed Salah, sóknarmaður Liverpool hefur verið magnaður fyrir félagið á þessari leiktíð.

Hann skoraði fernu um helgina gegn Watford og hefur nú skorað 28 mörk í ensku úrvalsdeildinni á tímabilinu.

Salah kom til Liverpool frá Roma síðasta sumar en enska félagið borgaðo 36 milljónir punda fyrir Egyptann.

Salah hefur skorað 0,98 mörk að meðaltali í leik en Liverpool á sjö leiki eftir í deildinni.

Metið, í 38 leikja deildinni er 31 mark en það eru þeir Cristiano Ronaldo og Luis Suarez sem eiga metið.

Ef fram heldur sem horfir, og Salah stendur undir sínu eigin meðaltali mun hann enda tímabilið með 35 mörk sem yrði nýtt met í deild þeirra bestu.

Það verður að teljast ansi líklegt að hann jafni metið, og bæti það en hann er markahæsti leikmaður deildarinnar með 28 mörk eins og áður sagði, fjórum mörkum meira en Harry Kane sem er meiddur og verður frá fram í apríl.