Toby Alderweireld, varnarmaður Tottenham gæti spilað um helgina gegn Bournemouth í ensku úrvalsdeildinni.

Hann var ekki með liði Tottenham í vikunni sem tapaði 1-2 fyrir Juventus í Meistaradeildinni og féll úr leik.

Alderweireld snéri aftur í liðið fyrir tveimur vikum síðan en hann tognaði aftan í læri í leik Tottenham og Real Madrid í Meistaradeildinni fyrir áramót.

Meiðslin tóku sig svo upp á nýjan leik en voru ekki alvarleg og hann æfði með Tottenham í vikunni.

Tottenham situr í fjórða sæti deildarinnar með 58 stig, fimm stigum meira en Chelsea sem er í fimmta sæti deildarinnar.