Juventus vonast til þess að landa Hector Bellerin, varnarmanni Arsenal í sumar en það er Mirror sem greinir frá þessu.
Bellerin er þessa dagana orðaður við brottför frá félaginu en hann hefur átt í vandræðum með stöðugleika á þessari leiktíð.
Juventus á Ítalíu hefur mikinn áhuga á leikmanninum sem gæti hugsað sér til hreyfings í sumar.
Þá er Barcelona einnig sagt áhugasamt um leikmanninn sem er uppalinn í akademíu félagsins.
Bellerin kom til Arsenal árið 2011 frá Barcelona og spilaði sinn fyrsta aðalliðsleik fyrir félagið árið 2013.
