Liverpool er komið áfram í 8-liða úrslit Meistaradeildarinnar eftir öruggan sigur á Porto í 16-liða úrslitunum.
Fyrri leik liðanna lauk með 5-0 sigri Liverpool í Portúgal en liðið gerðu svo markalaust jafntefli á Anfield í síðari leiknum og Liverpool fer því áfram, samanlagt 5-0.
Roberto Firmino er með nokkuð sérstakan óskamótherja í 8-liða úrslitunum en hann vill mæta ensku liði.
„Ég myndi vilja mæta ensku liði, við höfum sýnt það að við getum unnið öll ensku liðin á góðum degi,“ sagði framherjinn.
„Tölfræðin okkar gegn ensku liðunum er góð og við höfum nánast alltaf spilað mjög vel gegn ensku stórliðunum.“
„Þrátt fyrir það þá erum við ekki hræddir við neinn mótherja í 8-liða úrslitunum og hlökkum mikið til,“ sagði hann að lokum.
