Arsenal er sagt leiða kapphlaupið um Leon Goretzka, sem er á förum frá Bayern Munchen.
Þýski landsliðsmaðurinn verður samningslaus í sumar og er hann eftirsóttur af þó nokkrum félögum.
AC Milan hefur til að mynda mikinn áhuga á Goretzka ef marka má fréttir að utan, en ítalskir miðlar segja félagið á eftir Arsenal í baráttunni um kappann.
Goretzka hefur unnið fjölda titla með Bayern, þar á meðal Meistaradeildina. Myndi hann bæta við reynslu og auka breiddina á miðjunni hjá Arsenal.
