Manchester United hefur sett Noah Sadiki, 20 ára miðjumann Sunderland, efstan á óskalistann fyrir sumarið 2026 samkvæmt Sky Sports.

Sadiki kom til Sunderland síðasta sumar fyrir 15 milljónir punda og hefur verið ein af óvæntu stjörnum tímabilsins og byrjað alla leiki í ensku úrvalsdeildinni.

Chelsea fylgist einnig með leikmanninum, en United telur sig geta boðið honum stærra hlutverk þar sem uppstokkun er framundan á miðsvæðinu á Old Trafford.

Talið er að United dragi sig úr baráttunni um Carlos Baleba vegna verðmiða Brighton og telja Sadiki nú raunhæfasta kostinn.