Hjörtur Hjartarson fyrrum íþróttafréttmaður hjá RÚV og Sýn snéri aftur á skjáinn um helgina þegar hann lýsti leik Inter og AC Milan hjá Livey.

Livey er með réttinn af ítalska boltanum og fleiri íþróttum hér á landi.

Hjörtur hefur ekki verið í sviðsljósinu frá árinu 2018 þegar hann sagði upp hjá Sýn eftir Heimsmeistaramótið í Rússlandi. Hann hafði um langt skeið stýrt dagskrárgerð og lýst leikjum fyrir RÚV og Sýn áður en hann hvarf úr sviðsljósinu.

Þessi fyrrum framherji ÍA og fleiri liða lýsti hins vegar stórleiknum á Ítalíu um helgina og endurkoma hans á skjáinn því orðin að veruleika. Miðað við Facebook síðu Livey er þetta fyrsta verkefnið sem Hjörtur tekur að sér fyrir fyrirtækið.

Hjörtur vann við hlaðvarpsgerð fyrr á þessu ári ásamt Gunnlaugi Jónssyni þar sem þeir félagar ræddu um Óskar Hrafn Þorvaldsson og Arnar Gunnlaugsson.