Ivan Toney er sagður til í að taka á sig launalækkun til að snúa aftur til Englands, þrátt fyrir fréttir um að hann sé ekki til sölu.

Þessi fyrrum framherji Brentford hefur verið orðaður við endurkomu til Englands, en rúmt ár er síðan hann elti peningana og skrifaði undir hjá Al-Ahli í Sádi-Arabíu.

Nú ku Toney vilja fara aftur til Englands, nánar til tekið til Tottenham þar sem fyrrum stjóri hans hjá Brentford, Thomas Frank, er við stjórnvölinn.

Yfirmaður knattspyrnumála hjá Al-Ahli sagði á dögunum að Toney sé ekki til sölu en kappinn vill ólmur vera í enska landsliðshópnum á HM næsta sumar. Eru meiri líkur á að hann verði þar ef hann spilar á hærra stigi.