Jerome Boateng, fyrrum leikmaður Bayern München og Manchester City, hefur í fyrsta sinn tjáð sig opinberlega um sjálfsvíg fyrrverandi kærustu sinnar, Kasíu Lenhardt.
Hún lést í febrúar 2021, aðeins sex dögum eftir að Boateng fór fram með alvarlegar ásakanir á hendur henni í viðtali við BILD.
Lenhardt, sem sló í gegn í sjónvarpsþættinum Germany’s Next Top Model, fannst látin á heimili sínu í Berlín á sonar síns. Í aðdraganda dauða hennar höfðu átök milli hennar og Boateng farið hratt versnandi, þar sem hún kallaði hann meðal annars „djöfulinn“ og sagðist ætla að „berjast til baka“ eftir sambandsslit þeirra og mikla fjölmiðlaumfjöllun.
Í nýju heimildaefni um Boateng, sem BILD hefur séð, segir varnarmaðurinn að hann hafi misst manneskju sem hann „elskaði mjög mikið“. Hann bætir við. „Ég hef fundið fyrir því opinberlega að mér sé meinað að syrgja. Aðeins ég veit hvað gerist innra með manni. Ég er enn að vinna úr þessu.“
Boateng viðurkennir einnig að viðtalið sem hann gaf BILD í upphafi febrúar 2021 hafi verið mistök. „Ef ég horfi í spegilinn núna vanmat ég aðstæðurnar og hefði átt að höndla þetta betur,“ sagði hann. Fyrrverandi ritstjóri BILD, Johannes Boie, tekur undir og segir: „Við myndum ekki birta þetta viðtal í dag.“
Í upprunalegu viðtalinu sakaði Boateng Lenhardt um að hafa ógnað ferli hans, hótað röngum heimilisofbeldisásökunum og sett hann undir mikinn þrýsting meðan þau voru saman, ásakanir sem ollu miklum deilum á sínum tíma.
Ef einstaklingar glíma við sjálfsvígshugsanir er bent á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
