Umspil í Lengjudeild karla hefst á miðvikudag. Þar eigast við þau lið sem enduðu í 2. – 5. sæti í Lengjudeildinni.

Njarðvík, sem endaði í 2. sæti, mætir Keflavík, sem endaði í 5. sæti og Þróttur R., sem endaði í 3. sæti, mætir HK, sem endaði í 4. sæti.

Liðin mætast tvívegis og liðin sem vinna sín einvígi komast í úrslitaleik um laust sæti í Bestu-deild karla.

Þór Akureyri hefur nú þegar tryggt sér fyrsta sæti Lengjudeildarinnar sem kom þeim beint upp í deild þeirra bestu.

Miðvikudaginn 17. september
Keflavík – Njarðvík kl. 16:45
HK – Þróttur R. kl. 19:15

Sunnudaginn 21. september kl. 14:00
Njarðvík – Keflavík
Þróttur R. – HK