Ruben Amorim, nýráðinn knattspyrnustjóri Manchester United, vill nota lítið leikjaálag á tímabilinu til að efla samheldni hópsins með hópefli og æfingaferðum erlendis.

United mun ekki leika í Evrópukeppni á tímabilinu, og eftir óvænt brotthvarf úr deildarbikarnum gegn Grimsby leika þeir aðeins einu sinni í miðri viku fyrir jól. Það er heimaleikur gegn West Ham þann 3. desember.

Amorim telur því rökrétt að nýta tímann sem skapast til að byggja upp traust og tengsl milli leikmanna liðsins. Með allt að átta daga á milli leikja í ensku úrvalsdeildinni, utan landsleikjahléa, íhugar hann að fara með hópinn í stuttar æfingaferðir. Mögulega til Algarve á heimaslóðum sínum í Portúgal eða jafnvel til Mið-Austurlanda.

Markmiðið er að fá breytingu á umhverfi og meiri tíma saman utan hefðbundinna æfinga á æfingasvæði félagsins í Carrington, sem gæti styrkt samstöðu hópsins.

Engin endanleg ákvörðun hefur verið tekin enn, en áhersla Amorim er greinilega á að byggja upp sterka liðsheild með öðrum hætti en bara innan vallarins.