Bæði stórlið Madrídar, Real Madrid og Atletico Madrid, fylgjast náið með stöðu miðjumannsins Kobbie Mainoo hjá Manchester United.

Heimildir Daily Mail herma að spænsku félögin skoði málið nú þegar Mainoo hefur ekki enn fengið að spila mínútu á þessu tímabili

Aðilar innan knattspyrnunnar segir við Daily Mail að lánssamningur til eins árs gæti verið áhugaverður kostur fyrir lið í spænsku höfuðborginni, þar sem glugginn lokar á mánudag.

Mainoo, sem er 20 ára og uppalinn hjá United, var reglulegur byrjunarliðsmaður áður en hann meiddist í fyrra. Hann sneri aftur í desember, en hefur síðan þá misst fast sæti sitt og hefur verið notaður sem varamaður.

Leikmaðurinn er opinn fyrir því að vera áfram hjá félaginu, en vill spila reglulega og helst í Meistaradeild Evrópu. Það gæti opnað á mögulegan félagaskipti ef rétta tækifærið býðst.

Manchester United er þó tregt til að lána leikmanninn, enda hefur félagið aðeins fjóra miðjumenn í hópnum og horfir ekki til þess að selja Mainoo. Þrátt fyrir að hann hafi ekki komið við sögu í fyrstu tveimur leikjum tímabilsins, er enn líklegt að hann gegni lykilhlutverki hjá United í vetur.